我唔會買 iPhone 5s / 5c

.. 今次唔係搵笨，我真係唔會買 iPhone 5s，亦唔會等人買俾我。

原因實在很簡單：因為蘋果造這對機都唔係賣俾我既。

貴版 5s 除了金色外殼、指紋識別、快 A7M7、膚色閃燈、大光圈等小進步等，其他就原地踏步。平版 5c 更利害，就是將原本的 iPhone 5 換上顏色膠殼，電池長了兩句鐘，減價一半，講完。在產品來看，這是最懶的進步。

但這對機的出現絕對有策略性意義。金色貴氣或平價膠色都是衝著祖國同胞而來。今次中國大陸還要在頭一水便來貨（香港作為「轉口港」的唯一意義都沒有 了），更聽聞蘋果已搭上中移動，要與 Andriod 系的小米、華為、聯想（當然還有三星）等在中原爭長短（還有 Windows Phone 的 Lumia 520）。贏中國，贏世界。

我嗎？我仍會考慮去等 iPhone 7。在這之前，如果我在手的 iPhone 4s 與 iPhone 5 都瓜掉，我或會肯用零機價換部綠色膠C來一用。